HongKongNepali.com, The Next Media

Thursday
Dec 14th
Home नेपाल तथा विश्व समाचार प्रधानमन्त्री देउवाले चुनाव बिथोल्ने गतिविधि परास्त गर्न निर्देशन

प्रधानमन्त्री देउवाले चुनाव बिथोल्ने गतिविधि परास्त गर्न निर्देशन

E-mail Print PDF
AddThis Social Bookmark Button

२० नोभेम्वर २०१७, प्रधानमन्त्री शेरबहादुर देउवाले उनकै शब्दमा विप्लव समूहको चुनाव बिथोल्ने गतिविधि परास्त गर्न निर्देशन दिए। गृह मन्त्रालयका उच्च अधिकारीले निर्वाचन विरोधी गतिविधि गरिरहेको भन्दै नेपाल कम्युनिष्ट पार्टीको नेतृत्व तहविरुद्ध समेत कठोर रुपमा प्रस्तुत हुने चेतावनी दिएका छन्।केही दिनयता चुनाव विरोधी हिंसा बढ्दै जाँदा सरकारी सुरक्षा नीतिको आलोचना भइरहेको थियो। लगत्तै गृहसचिवले कडा नीति अपनाउने बताएका हुन्।

नेत्रविक्रम चन्द विप्लवु नेतृत्वको पार्टीले चुनाव बिथोल्न खोजेको भन्दै प्रधानमन्त्री देउवाले उक्त दलविरुद्ध कडा रुपमा प्रस्तुत हुनुपर्ने बताएका छन्।

प्रदेश नम्बर ३ को सुरक्षा गोष्ठीमा उनले विप्लवको नामै लिएर चुनाव बिथोल्न खोज्ने सबैलाई गिरफ्तार गर्ने अवस्था आएको औंल्याउँदै भने, सबैलाई पक्रेर भए पनि विप्लव समूहको चुनाव बिथोल्ने गतिविधि परास्त गर्न आवश्यक छ।ू

हालैका दिनमा बढ्दै गएका हिंसात्मक क्रियाकलापमा विप्लवकै दलको हात रहेको ठानिए पनि गृह प्रशासनले उसको जिम्मेवारीबारे औपचारिक रुपमा मुख खोलेको छैन।

प्रधानमन्त्री स्वयम्‌ले विप्लव समूह भन्दै चुनाव बिथोल्न खोजेको आरोप लगाउनुलाई सरकार ती घटनामा उसलाई जिम्मेवार ठहर्याउने चरणमा पुग्न लागेको संकेत ठानिएको छ।

चुनावको विरोध र कानुनको बर्खिलाप कारबाही गरेको हुनाले यो कुरा आएको हो। हामी चुनाव विरोधी गतिविधि निस्तेज पार्छौं।अब सुरक्षा निकाय विप्लव नेतृत्वको पार्टीका उच्च तहका नेतालाई पनि गिरफ्तार गर्ने मनस्थितिमा पुगेको हो ।

नेतृत्व वा जोसुकै होस् कानुन हातमा लिनु भएको छ भने त प्रहरीले कानुन अनुसार कारवाही गर्ने नै हो।चुनाव विरोधी गतिविधिमा संलग्न भएको आरोपमा सरकारले अहिलेसम्म विप्लव नेतृत्वको दलका जिल्लास्तरीय नेता(कार्यकर्तालाई मात्र गिरफ्तार गरेको छ।

एक(दुई दिनयता मानिसको जीउ ज्यानमै जोखिम पुर्याउने घटना हुन थालेको बताउने गृह अधिकारीले विप्लव नेतृत्वको पार्टीविरुद्ध कति कठोर रुपमा प्रस्तुत हुने भन्ने कुरा उसका आगामी गतिविधिमा निर्भर हुने बताउँछन्।

उम्मेदवारलक्षित आक्रमण बढेको भन्दै सरकारको चर्को आलोचना गरेको नेकपा एमालेले पत्रकार सम्मेलन गरी आवश्यक हरेक कदम उठाउनु सरकारलाई आग्रह गरेको छ।उसले पछिल्ला घटनालाई लिएर सोमबार निर्वाचन आयोगको समेत ध्यानाकर्षण गराएको छ।

 

 

 

Add your comment

Your name:
Subject:
Comment:

Latest News