HongKongNepali.com, The Next Media

Monday
Jul 16th
Home नेपाल तथा विश्व समाचार म्यानमारको संसद्ले नयाँ राष्ट्रपति निर्वाचित गर्यो

म्यानमारको संसद्ले नयाँ राष्ट्रपति निर्वाचित गर्यो

E-mail Print PDF
AddThis Social Bookmark Button

२८ मार्च २०१८, म्यानमारको संसद्ले नेत्री आङ सान सू चीका विश्वासपात्र विन म्यिनलाई देशको नयाँ राष्ट्रपतिमा निर्वाचित गरेको छ।

 

गत हप्ता राष्ट्रपति टिन च्वले राजीनामा दिएपछि उनको उत्तराधिकारी छान्न आज निर्वाचन भएको हो।म्यिन सन् २०१२ देखि म्यानमारको तल्लो सदनको सभामुख थिए।व्यवहारमा नेत्री सू चीले नै सबै शक्तिको अभ्यास गर्ने हुँदा राष्ट्रपतिका रूपमा म्यिनको भूमिका भने आलङ्कारिक मात्रै हुनेछ।

च्वले स्वास्थको कारण राजीनामा दिएपछि संसद्ले सात दिनभित्र उनको उत्तराधिकारीको निर्वाचन गर्नुपर्ने थियो।निर्वाचनमा तीन जना उपराष्ट्रपतिहरू प्रतिस्पर्धामा थिए।

राष्ट्रपति पद पाउने सङ्केतस्वरूप ६६ वर्षीय म्यिनलाई गत हप्ता नै उपराष्ट्रपति बनाइएको थियो।लामो समयदेखि सू चीको न्याश्नल लीग फर डेमोक्रेसीसँग आबद्ध थिए।

सू चीलाई सैनिक शासकहरूले लामो समय थुनामा राखेका थिए।उनलाई नै लक्षित गरेर म्यानमारको संविधानमा विदेशीसँगको सम्बन्धबाट सन्तान भएका नागरिकले राष्ट्रपति बन्न नपाउने प्रावधान राखिएको विश्वास गरिन्छ।

 

Add your comment

Your name:
Subject:
Comment: