HongKongNepali.com, The Next Media

Friday
Aug 17th
Home नेपाल तथा विश्व समाचार अमेरिकी राष्ट्रपति ट्रम्पले सिरियामा क्षेप्यास्त्र हमला गर्ने धम्की

अमेरिकी राष्ट्रपति ट्रम्पले सिरियामा क्षेप्यास्त्र हमला गर्ने धम्की

E-mail Print PDF
AddThis Social Bookmark Button

१२ अप्रिल २०१८, अमेरिकी राष्ट्रपति डोनाल्ड ट्रम्पले सिरियामा क्षेप्यास्त्र हमला गर्ने धम्की दिएका छन् ।

एक वरिष्ठ रुसी अधिकारीले कुनै पनि अमेरिकी हमलाको जवाफ दिइने धम्की दिएका छन् ।ट्रम्पले रासायनिक हमलाको ‘कडा’ प्रतिक्रिया जनाइने प्रतिबद्धता व्यक्त गरेका थिए । रुसबाट सैन्य समर्थनप्राप्त गरिरहेका सिरियाली राष्ट्रपति बसर अल–असदको सरकारले भने कुनै पनि रासायनिक हमलामा उसको संलग्नता रहेको भनेर अस्वीकार गरेको छ ।

 

ट्रम्पले आफ्नो ट्वीटमा असदलाई ‘जनावर’को संज्ञा दिएका छन् । शनिबार सिरियाली विपक्षी अभियानकर्मीहरू, उद्दारकर्ताहरू तथा स्वास्थ्यकर्मीहरूले पूर्वी गुटास्थित डौमामा सिरियाली सरकारी सेनाले विषालु ग्याँसयुक्त बम हमला गरेको बताएका थिए ।

सिरियामा हालै भएको संदिग्ध रासायनिक हमलाको विषयलाई लिएर दुई शक्ति राष्ट्र रुस र अमेरिकाबीच टकराव बढेको छ । अमेरिकाले सिरियामा सैन्य हमला गर्ने बताएपछि रुसले त्यसको जवाफ दिने चेतावनी दिएको छ ।

राष्ट्रसंघका लागि रुसका प्रतिनिधि भासिली नेबेन्जियाले भने, ‘म एकपटक फेरि अमेरिकालाई अहिलेको अवस्थालाई जस्तो बनाउन खोजेको छ, त्यसो नगर्न र बँच्न आग्रह गर्छु । अमेरिकालाई चेतावनी दिँदै उनले यदि भविष्यमा कुनै प्रकारको अवैध सैन्य कारबाही भएमा त्यसको जिम्मेवार अमेरिका नै हुने बताएका छन् । त्यसलगत्तै ट्रम्पले जवाफ दिँदै रुसलाई सिरियामा क्षेप्यास्त्र हमलाका लागि तयार रहन चेतावनी दिएका छन् ।

 

Add your comment

Your name:
Subject:
Comment:

Latest News