Home नेपाल तथा विश्व समाचार ब्रिटिश प्रधामन्त्री बोरिस जोनसन अस्पतालबाट डिस्चार्ज

ब्रिटिश प्रधामन्त्री बोरिस जोनसन अस्पतालबाट डिस्चार्ज

E-mail Print PDF
AddThis Social Bookmark Button

१२ अप्रिल  २०२०, कोभिड(१९ को उपचारपछि अस्पतालबाट डिस्चार्ज गरिएपछि ब्रिटिश प्रधामन्त्री बोरिस जोनसनले मलाई जे पनि हुन सक्थ्यो भनेका छन्।

आफ्नो जीवन बचाइदिएकोमा स्वास्थ्यकर्मीहरूलाई उनले धन्यवाद दिए।कोरोनाभाइरस सङ्क्रमण देखिएको १० दिनपछि ५५ वर्षीय जोनसनलाई लन्डनस्थित सेन्ट टमसेज अस्पतालमा भर्ना गरिएको थियो।

बिहीवार वार्डमा सारिनुअघि उनले अस्पतालको सघन उपचार कक्षमा तीन रात बिताए।सामाजिक सञ्जाल ट्विटरमा राखेको भिडिओ सन्देशमा जोनसनले अस्पतालमा अग्रपङ्क्तिमा खटिएका स्वास्थ्यकर्मीहरूको आफूले ूव्यक्तिगत साहसू देखेको बताएका छन्।

प्रधानमन्त्री जोनसनका अनुसार जेनी नाम गरेकी न्यूजिल्यान्डकी र लुइस नाम गरेकी पोर्चुगलकी नर्सहरूले सबैभन्दा गम्भीर ४८ घन्टा उनको सेवा गरेका थिए।त्यसबाहेक अस्पताल बसाइका क्रममा अरू थुप्रै स्वास्थ्यकर्मीहरूले हेरचाह गरेको भन्दै उनले धन्यवाद दिए।

राष्ट्रिय स्वास्थ्य सेवाका कर्मचारीहरूले आफ्नो ज्यान जोखिममा पार्दै काम गरिरहेको प्रधानमन्त्रीको भनाइ थियो।ूत्यो साहस, त्यो समर्पण, त्यो जिम्मेवारी र मायालाई धन्यवाद जसका कारण हाम्रो राष्ट्रिय स्वास्थ्य सेवा अजेय छ,ू प्रधानमन्त्री जोनसनले भने।प्रधानमन्त्रीको कार्यालय डाउनिङ स्ट्रीटले आफ्नो निवासमा आराम गर्ने जनाएको छ।

शनिवार साँझ पाँच बजेसम्म कोरोनाभाइरसका कारण यूकेमा थप ७३७ जनाको ज्यान गएको छ।योसँगै त्यहाँ कोभिड(१९ रोगबाट मृत्यु हुने व्यक्तिहरूको सङ्ख्या १०,६१२ पुगेको छ।

स्वास्थ्यमन्त्री म्याट हान्ककले प्रधानमन्त्री अस्पतालबाट डिस्चार्ज भई निवासमा आराम गरिरहेको खबरबाट ूआनन्द महसुस भएकोू बताएका छन्।स्वास्थ्यमन्त्रीले भनेका छन्, सेन्ट टमसेज अस्पतालका स्वास्थ्यकर्मीहरूले प्रधानमन्त्रीको हेरचाह ूत्यसरी नै गरेका छन् जसरी देशका अरू मान्छेहरूलाई गर्थे।

प्रधानमन्त्रीलाई काममा फर्किन अझ कति समय लाग्न सक्छ भन्ने प्रश्नमा उनले भने, ूत्यसबारे चिकित्सकहरूले निर्णय दिनुपर्ने हुन्छ।ूप्रधानमन्त्रीले तय गर्नुभएकै रणनीति अनुसार सरकारले काम गरिरहेको अवस्था छ।ू

विदेशमन्त्री डोमिनिक राबले हाल कार्यवाहक प्रधानमन्त्रीको जिम्मेवारी सम्हालिरहेका छन्।उनका सहयोगीहरू चाहन्छन् कि प्रधानमन्त्री जोनसन एक महिनासम्म नियमित काममा नफर्किऊन्। अस्पतालबाट डिस्चार्ज भएपछि प्रधानमन्त्री काममा फर्किन हतार नगर्ने ।



 

 

Latest News