Home नेपाल तथा विश्व समाचार पशुपत्तिनाथको मन्दिरमा पुजारी नियुक्ति राजनीतिकरण नगर्न पूर्व राजाको आग्रह

पशुपत्तिनाथको मन्दिरमा पुजारी नियुक्ति राजनीतिकरण नगर्न पूर्व राजाको आग्रह

E-mail Print PDF
AddThis Social Bookmark Button

काठमाण्डौं शनिवार। पौष १९ गते महाराजगन्ज स्थित आफनो नीजि निवासमा केही पत्रकारहरु संग अनौपचारीक भेटमा पूर्वराजा ज्ञानेन्द्रले पशुपत्तिनाथको मन्दिरमा मूलपुजारी नियुक्त प्रकि्रयामा राजनीतिकरण नगर्न आग्रह गरेका छन् ।

दक्षिण भारतबाट झिकाइएका पशुपतिका मूलभट्ट र पुजारीहरुले २५० बर्षदेखि पशुपतिनाथमा मूल पुजारीका रुपमा पूजाआजा गर्दै आएका थिए । गत हप्ता मूलभट्टहरुले दिइएको राजीनामा माओवादीद्वारा गठित पशुपतिक्षेत्र विकास कोषले स्वीकृत गरी नेपाली मूलका दुईजना नेपाली ब्राहमणलाई मूल पुजारीका रुपमा नियुक्त गरेको थियो । पशुपतिनाथको पूजाआजामा खटिने स्थानीय भण्डारीदेखि मन्दिरसंग निकट ब्राहमण हिन्दु सम्प्रदायहरु तथा कतिपय भक्तजनहरुले मूल पुजारी जस्तो पदमा राजनीतिक नियुक्त भएको भन्दै खरो विरोध गरेका थिए ।

सरकारले नियुक्त गरेको मूलपुजारीको निर्णयका विरुद्ध परेको एक रीट निवेदनमा सुनुवाईपछि सर्बोच्च अद्धालतले गत बिहीवार पुरानै रीतिअनुसार पूजा गराउन अन्तरिम आदेश जारी गरेको थियो । तर पशुपति मन्दिर कोषले उक्त आदेश प्राप्त नभएको भन्दै नवनियुक्त पुजारीबाटै पूजाआजा गराउदै आएको छ । यस कार्यका विरुद्ध भारतको विपक्ष दल भारतीय जनता पार्टीले माओवादी नेतृत्व प्रति चिन्ता व्यक्त गरेको छ । यस सवालमा नेपाका राष्ट्रपति र प्रधानमन्त्री संग कुराकानी भएको त्यस पार्टीका अध्यक्षले आफनो वक्तव्यमा जनाएका छन् ।

 

Latest News