नेत्र पहराईमगर

हङकङ विश्वको शहर मध्य एक महत्वपूर्ण अन्तर्राष्ट्रिय सम्बन्ध भएको एक खुल्ला अर्थतन्त्र र स्वतन्त्र व्यापार भएको एक व्यापारिक केन्द्र विन्दुमा रहेको मनोरम र एसियाको विकसित र चाइनाको स्वशासित क्षेत्र हो । विश्वमा आएको आर्थिक मन्दीले विस्तारै हङकङलाई पनि छुने क्रम जारी छ । विश्वमा आएको समुन्द्रको छाल जस्तै आर्थिक संकटको लहरले हङकङको आर्थिक बजारमा पनि निक्कै महत्व र उतारचढाउ गराइरहेको छ । आर्थिक मन्दीका कारण हंगेरी, टर्की जस्ता देशहरुको अवस्था नाजुक भइसकेको छ, भने अब कति देशहरुलाई त्यस आर्थिक मन्दीले गाँज्ने हो, त्यो भविष्यले देखाउने छ । यद्यपि, युरोपियन देश तथा युरोलाई साझा मुद्राका रुपमा प्रयोगमा ल्याउने १५ देशहरुमध्ये ९ वर्षको इतिहासमा जर्मन र स्पेनजस्ता देशहरुलाई पनि आर्थिक मन्दीले चुनैाती दिइरहेको छ ।