HongKongNepali.com, The Next Media

Wednesday
Sep 20th
Home अन्तर्वार्ता

Interview

सुन्दरता मात्रै ठूलो कुरा होइन–मिस मगर रञ्जना

रञ्जना थापामगर, अब कुनै नौलो नाम रहेन, मगर समुदायका लागि । नेपाल मगर संघ, कास्कीको आयोजना र रिबर्थ इभेन्ट म्यानेजमेन्टको व्यवस्थापनमा भएको मिस मगर प्रतियोगिताको दोश्रो संस्करण मिस मगर पोखरा–२०१२ को उपाधि जितेपछि रञ्जनाको चर्चा औपचारिक रूपमा सुरू भएको हो । पूर्व प्रहरी अधिकृत बुवा युवराज थापामगर र आमा विमला थापामगरकी छोरी रञ्जना तनहुँ, दुलेगौंडा–९, बेलचौतारामा जन्मिएकी हुन् । औपचारिक शिक्षाका हिसाबले उनले ब्राइट फ्युचर आवासीय उच्च माविबाट प्रवेशिका र दश जोड दुई तह पार गरेकी हुन् । हाल बीसीए तेश्रो वर्षमा अध्ययनरत रञ्जनाले आईसी स्कूल अफ आर्टबाट फेशन डिजाइनिङ कोर्स सकेकी उनी पेशाले फेशन डिजाइनर पनि हुन् । उनी मोडलिङ र ¥याम्पिङ पनि गर्छिन् । उनका रूचिका विषय भनेका स्केच, पेन्टिङ, ट्राभलिङ आदि हुन् । अहिले विभिन्न सामाजिक कार्यमा संलग्न रही चर्चामा रहेकी मिस मगर रञ्जनासँग हङकङ नेपाली डट कम का पोखरा सम्वाददाता रूद्र श्रीसमगरले गरेको कुराकानी :

Read more...
 

अन्तर्वार्ता -‘मातृभाषा, धर्म र संस्कृतिप्रति धेरैको बेवास्ता छ’–मिस मंगोल सपना

 

मिस मंगोल–२०१२ को उपाधि चुमेपछि बागलुङ, भिङ्गगिठे–४ की सपना रोकामगरको चर्चा एकाएक चुलियो । एक्सन इन्टरटेनमेन्टले आयोजना गरेको नेपालको मंगोल समुदायका युवतीबीचको प्रतिस्पर्धामा सपनाले उपाधि चुम्न सफल भएकी हुन् । सपना मिस मंगोल भएपछि बुवा मनबहादुर रोकामगर र आमा छममाया रोकामगरको पनि खुशीको सीमा नै रहेन । भिङ्गगिठे माविबाट प्रवेशिका परीक्षा उत्तीर्ण उनले राजधानीको पद्मकन्या क्याम्पसबाट दश जोड दुईको पढाइ सकिन् । भीएस निकेतन कलेजमा व्यवस्थापन संकायबाट स्नातक गरिरहेकी उनी सामाजिक कार्यमा अभ्यस्त छिन् । मिस मंगोल–२०१२ को उपाधि जितेपछि सपना ३० औं मगर दिवसका अवसरमा नेपाल मगर संघ केन्द्रीय समिति, नेपाल मगर संघ, काठमाडौं जिल्ला समिति, बागलुङ मगर समाज, काठमाडौंलगायतका थुप्रै संघसंस्थाबाट सम्मानित समेत भएकी छन् । यिनै मिस मंगोल सपना रोकामगर सँग हङकङ नेपाली डट कम का लागि रूद्र श्रीसमगरले गरेको कुराकानी  ।

मिस मंगोलको उपाधि जितेपछि कस्तो अनुभव गर्नुभयो ?

जीवनको सबैभन्दा महत्वपूर्ण क्षणका रूपमा लिएँ । मिस मंगोलका लागि प्रशिक्षणको दौरान धेरै कुराहरू सिक्न पाइयो । चुनौतीहरू आएजस्तो लाग्यो ।

उपाधि जित्छु भन्ने थियो ?

आत्मबल चाहिं थियो । मेरो पर्फर्मेन्स (प्रस्तुती) राम्रो गर्छु भन्ने लागेको थियो । तर, जित्छु नै भन्ने लाग्थेन ।

किन नि ?

किनभने अरू प्रतिस्पर्धी साथीहरू पनि धेरै ट्यालेन्ट थिए ।

मिस मंगोलजस्तो सौन्दर्य प्रतियोगिताको सन्देश के हुन सक्छ ?

आफ्नो मातृभाषा, संस्कृति र परम्पराप्रति धेरैको बेवास्ता छ । आफ्नो पहिचानप्रति पुनर्जागृत गराउने काम भयो । मंगोल समुदायभित्र पर्ने विभिन्न जातीय समुदायको प्रतिनिधित्व गर्न सक्ने अवस्था भयो । यो कन्टेष्टले नयाँ पुस्तालाई आफ्नो भाषा, संस्कृति र परम्परालाई भुल्नु हुँदैन भन्ने सन्देश दिन सक्यो जस्तो लाग्छ ।

के ग¥यो भने मंगोल समुदायको भाषा, धर्म र संस्कृतिको संरक्षण हुन्छ जस्तो लाग्छ ?

युवाहरूमा बल छ, तागत छ । पश्चिमी संस्कृतिमा रमाइरहेका युवालाई आफ्नो आदिकालीन मातृभाषा, संस्कृति र परम्परालाई बचाउन अभियान नै चलाएर जानुपर्छ ।

मिस नेपालमा भाग लिनहुन्छ कि लिनुहुन्न ?

लिने त भनेकी छु तर, अर्को वर्ष हुने मिस नेपाल–२०१२ का लागि फारम चाहिं भरिनँ । मिस मंगोल भइसकेपछि आफ्नो जिम्मेवारीका कारण मैले फारम नभरेकी हुँ । पछि चाहिं हेरौं के हुन्छ ।

मिस मंगोलमा सहभागिता कस्तो पाउनुभयो ?

सहभागिता अलि कम भएको पाएँ । सबैले भाग लिनुप¥यो । आफ्नो क्षमतामा पनि भर पर्ने कुरा हो जस्तो लाग्छ ।

तपाईले सुनेका अविश्वसनीय कुरा केही छन् ?

धेरैले मगरहरू पनि सुन्दर हुन्छन् र भन्छन् ।

तपाईले बिर्सन नसक्ने क्षण ?

मिस मंगोल बिजेता हुँदा रुन मन लागेको थियो । त्यसबेला इनोसेन्स्ली दियौ र छक्क प¥यौं भनेर साथीहरूले निकै फोन अनि एसएमएस गरेका थिए ।

अन्त्यमा, मंगोल समुदायलाई तपाईको सुझाव ?

राज्यमा पहुँचका लागि गर्नुपर्ने धेरै छन् जस्तो लाग्छ । अझै प्रगतिका लागि धेरै संघर्षहरू गर्नुपर्छ । हामीले आफ्ना कमीकमजोरीहरू पनि सच्याएर आयौं भने हाम्रो भविष्यका लागि राम्रो हुन्छ जस्तो लाग्छ । अझै पनि मंगोल समुदायले राज्यसत्तामा पहुँच र प्रतिनिधित्वका लागि आन्दोलन र संघर्ष गर्नुपर्ने अवस्था देखेकी छु मैले ।

 

सबभन्दा पाको उमेरमा सगरमाथा चढ्ने किर्तिमान राख्न सफल मिन बहादुर शेरचनसँगको कुराकानी

JavaScript is disabled!
To display this content, you need a JavaScript capable browser.

Read more...

पुन समाज नेपालका महासचिव खिमन सेर्पुजासँग अन्तर्वार्ता

JavaScript is disabled!
To display this content, you need a JavaScript capable browser.

Read more...

"मगर जातिभित्र भएको विविधतालाई सबैले बुझ्नुपर्छ विविधता समस्या भन्दा पनि सम्पत्ति हो भन्ने कुरालाई ख्याल गर्नुपर्छ" - हर्क आलेमगर

नेपालको एक प्रमुख आदिवासी जनजाति समुदायको रुपमा रहेको मगर जातिको मातृभाषा धर्म कला र संस्कृतिको संरक्षण एवं संवद्र्धनको नाराका साथ हातेमालो अभियान नेपाल र नेपाल मगर लेखक सङ्घ गण्डकी अन्चल समितिको संयुक्त आयोजनामा यही पौष ३ गते पोखरा सभागृहमा प्रथम मगर चलचित्र अवार्ड एवं श्रष्टा सम्मान समारोह २०६७ हुने भएको छ। कार्यक्रममा देशभरिका मगरहरुको सहभागीता सहित विभिन्न क्षेत्रका मगर संस्कृतिहरुको जमघट समेत रहने जानकारी आयोजक दुवै संस्थाले दिएका छन्। साँस्कृतिक पर्यटनको प्रवद्र्धनका लागि समेत कार्यक्रम सहयोगी हुने दाबी आयोजकको छ। प्रस्तुत छ यसै सन्दर्भमा रहेर सन्चारकर्मी एवं उक्त कार्यक्रमका संयोजक समेत रहेका हर्क आलेमगरसँग गरिएको कुराकानीको सारसंक्षेपः
 
 
 
यहाँहरुले गर्न खोज्नुभएको कार्यक्रम कस्तो खालको कार्यक्रम हो ?

वास्तवमा नेपाल एउटा बहुजातीय बहुभाषिक बहुधार्मिक र बहुसाँस्कृतिक देश हो। यो देशमा भएका विभिन्न जातजाति मध्येमा मगर जाति नेपालको एक प्रमुख आदिवासी जनजाति समुदाय हो। अन्य आदिवासी जनजाति सरह मगर जातिको पनि आफ्नै मातृभाषा धर्म कला र संस्कृति छ। तर यसलाई राज्यले कहिल्यै पनि वास्ता गरेन। यसको संरक्षण र विकासमा कहिल्यै ध्यान दिएन। तसर्थ सम्पूर्ण मगरहरुको एकताका लागि पनि भाषिक साँस्कृतिक एकता अनिवार्य छ भन्ने कुरालाई मध्यनजर गर्दै यो कार्यक्रमको आयोजना गरिएको हो। र मगर जातिभित्र भएको विविधतालाई सबैले बुझ्नुपर्छ विविधता समस्या भन्दा पनि सम्पत्ति हो भन्ने कुरालाई ख्याल गर्नुपर्छ भन्ने नै यस कार्यक्रमको मुख्य सन्देश हो।
Read more...

"चलचित्र आफैंमा कला र संस्कृतिलाई प्रस्तुत गर्ने एउटा राम्रो माध्यम हो" - प्रकाश पुनमगर

प्रकाश पुनमगर बागलुङ जिल्लाको पाण्डवखानी-७ लेंगुरेमा पिता शशिराम पुनमगर र माता भीमा पुनमगरको कोखमा जन्मेका हुन्। २०६६ सालदेखि चलचित्र क्षेत्रमा होमिएका प्रकाशले त्रिभुवन विश्वविद्यालयबाट २०६५ सालमा व्यवस्थापनमा स्नातकोत्तर एम।बि।एस। गरिसकेका छन्। मगर जातिको भाषा धर्म कला र संस्कृतिको संरक्षणमा आफूलाई समर्पित गर्दै आएका पुनमगरले वर्तमान समयमा मगर जातिको एकता अपरिहार्य रहेको धारणा राख्छन्। मगर कला र संस्कृतिमा आधारित उनको पहिलो चलचित्र मायाको गाउँ यतिखेर नेपालका विभिन्न भागमा प्रदर्शन भइरहेका छन्। प्रभात फिल्म प्रा.लि. को पहिलो प्रस्तुती उक्त चलचित्र हालसम्म काठमाडौं पोखरा बागलुङ गलकोट लगायतका ठाउँहरुमा प्रदर्शन भइसकेका छन् भने अन्यत्र पनि प्रदर्शनको तयारीमा छ। चलचित्र र समसामयिक विषयमा गरिएको कुराकानीः

चलचित्र क्षेत्रमा कसरी प्रवेश गर्नुभयो ?

म आफैं एउटा सिर्जनालाई मन पराउने मान्छे र चलचित्रमार्फत् आफ्ना सिर्जनालाई दर्शकमाझ प्रस्तुत गर्न सकिन्छ भन्ने मान्यताका साथ यस क्षेत्रमा प्रवेश गरें।

यस चलचित्रमा जातीय कथावस्तुलाई जोड्नुको कारण ?

चलचित्र आफैंमा एउटा कला र संस्कृतिलाई प्रस्तुत गर्ने राम्रो माध्यम हो। त्यसमा पनि म आफू नेपालको एक प्रमुख आदिवासी जनजाति समुदाय मगरको सन्तान भएका नाताले यसमा मगर जातिको कला र संस्कृतिलाई पस्कनु उचित ठानें। चलचित्र भनेको सबैले बुझ्ने एउटा सजिलो माध्यम पनि भएकाले मैले मगर जातिको कथावस्तुलाई यसमा प्रस्तुत गर्ने प्रयास गरेको छु। जुनसुकै चलचित्रमा कुनै न कुनै पक्षलाई विषयवस्तुका रुपमा लिइएको त हुन्छ नै। 
Read more...

टप माउन्टेन तेक्वान्दो दोजाङ का वरिष्ठ सल्लाहकार तथा राष्ट्रिय खेलकुद परिषदका तेक्वान्दो प्रशिक्षक सन बहादुर लामासँग अन्तर्वार्ता (भिडियो)

Page 2 of 4