HongKongNepali.com, The Next Media

Friday
Jun 23rd
Home

प्रतिभाशाली किशोर राजन गुरुङलाई पोखरा इञ्जिनियरिङ कलेजले निःशुल्क पढाउने

E-mail Print PDF
AddThis Social Bookmark Button

रूद्र श्रीसमगर

पोखरा, ९ साउन

पर्वतको भोक्सिङका प्रतिभाशाली किशोर राजन गुरुङलाई उच्च शिक्षा अध्ययनका लागि पोखरा इञ्जिनियरिङ कलेजले सघाउने भएको छ । आर्थिक अभावका कारण उच्च शिक्षा अध्ययनबाट वञ्चित प्रवेशिका उत्तीर्ण राजनलाई इञ्जिनियरिङ डिप्लोमा अध्ययनका लागि कलेजले निःशुल्क पढाउने कलेजका प्रशासन प्रमुख एवं तमु सांस्कृतिक प्रतिष्ठानका अध्यक्ष चिजकाजी गुरुङले जानकारी दिनुभयो । तर, त्यसका लागि भने राजनले यही साउन १२ गते हुने सीटीईभीटीको प्रवेश परीक्षा भने उत्तीर्ण गर्नुपर्नेछ ।

आइतबार आयोजित सहयोग हस्तान्तरण कार्यक्रममा बोल्दै कलेजका प्रशासन प्रमुख गुरुङले राजनलाई डिप्लोमा तहको ओभरसियर अध्ययनका लागि करिब ३ लाख ४ हजार रुपैयाँ बराबरको अध्ययन शुल्क मिनाहा गरिने जानकारी दिनुभयो । भविष्यमा राजनले राम्रो गर्दै गएकामा स्नातक तहको पढाइ पनि निःशुल्क गर्न सकिने बारेमा आफूहरूले सोंचिरहेको भन्दै गुरुङले आफ्नो प्रतिभालाई मर्न दिन नहुनेमा जोड दिनुभयो ।

ह्वाइट लोटस स्टुडियो प्रालिद्वारा सञ्चालित तमुमै ताँ डटकमद्वारा आयोजित कार्यक्रममा सामाजिक अभियन्ता सरिता गुरुङको पहलमा देश तथा विदेशका विभिन्न सहयोगदाताहरूबाट संकलित ७८ हजार २ सय ५० रुपैयाँ, तमु समाज ओमानका तर्फबाट प्रतिनिधि पदम गुरुङद्वारा ५० हजार १ सय ११ रुपैयाँ, मिलन फाउण्डेशन नेपालका संरक्षक दुर्गा गुरुङ ‘मिलन’बाट ६ हजार रुपैयाँ, ट्रिनिटी एजुकेशन फाउण्डेशनका प्रबन्ध निर्देशक डीबी गुरुङबाट ५ हजार रुपैयाँको चेक हस्तान्तरण गरिएको थियो ।

सो अवसरमा सहयोग रकम ग्रहण गर्दै प्रतिभाशाली किशोर वैज्ञानिक राजन गुरुङले आफूले सबैको साथ र सहयोगलाई सदुपयोग गर्ने प्रतिबद्धता व्यक्त गरे । सहयोग गर्ने सबैलाई धन्यवाद दिँदै राजनले भविष्यमा पानीबाट चल्ने इञ्जिन र फाइटर ड्रोन बनाउने आफ्नो योजना रहेको सुनाए । कार्यक्रममा बोल्ने वक्ताहरूले राजनको प्रतिभालाई मर्न दिन नहुने र त्यसका लागि सबैको सहयोग र अभिभावकीय भूमिका आवश्यक रहेको बताएका थिए ।

ह्वाइट लोटस स्टुडियो प्रालिका प्रबन्ध निर्देशक युग गुरुङको अध्यक्षतामा भएको कार्यक्रमको सञ्चालन सञ्चारकर्मी रोशनी गुरुङले गर्नुभएको थियो ।

 

Add your comment

Your name:
Subject:
Comment:

Latest News