HongKongNepali.com, The Next Media

 

सरकारले हालै पारित गरेको राष्ट्रिय युवा नीति कार्यान्वयनका लागि युवाहरु गाउँ-गाउँबाट जाग्नुपर्ने नवलपरासीका युवाहरुले बताएका छन्। नवलपरासीको कावासोतीमा आयोजित युवा र राष्ट्रिय युवा नीति विषयक छलफल कार्यक्रममा सहभागी युवाहरुले सो कुरा बताएका हुन्। सरकारले युवा नीति बनाएपनि कार्यान्वयनमा पहल नगरेको भन्दै तत्काल कार्यान्वयनका युवाहरु स्वम जागरुक हुनुपर्ने स्थानीय युवा साचारकर्मी दिनेश बस्यालले बताउनुभयो। 

नेपाल डट एचकेका प्रकाश के.सी.ले ‘नेपालीको प्रतिनिधित्व संस्था’ उप शिर्षक अन्तर्गत ‘टक अफ द टाउन’मा महासंघको विकल्पबारे प्रसँग निकालेर वहसमा उतारेका छन यधपि झण्डै एक हप्ताको यो अवधि सम्म पनि सम्बन्धित व्यक्तिहरुबाट कुनै टिकाटिप्णी नहुनु आफैमा बुझिनसक्नु छ।

 

युकेको लाहुरे हुनु, युकेको लाहुरेको बाउ बन्नु, युकेको लाहुरे ज्वाँई बनाउने यी सबै रहरहरु सबैको नहोला तर चाहना भने धेरै जस्तो मान्छेहरुको भएको हुनुपर्छ। युनलङमा बस्ने एक जना दम्पतीको फर्म ३ मा अध्यन गर्दै गरेकी छोरीलाई आमा बाबाले नै अब छोरी ठुली भइस् बोइफ्रेण्ड बनाउने भए युकेको लाहुरे खोजेर बनाउनु हङकङको बोइफ्रेण्ड बनायो भने भविस्य खत्तम छ भन्ने अर्ति दिने गरेको खुलासा मौसमी समाचारको लागि प्राप्त भएको छ। युकेको लाहुरे ज्वाँई बनाउँदा हुने फाईदा र नहुँदा हुने घाटा मौसमी समाचारको लागि उक्त दम्पती बीचको कुराकानी समाचारदाताले मगर कान्छालाई फोनमा यसरी सुनाएका थिए - "हेर छोरी हङकङको केटा सँग बिहे गर्‍यो भने घाटै घाटा हुन्छ। हङकङको केटाहरु सबै माल खाने त्यापेहरु मात्र हुन्छन्। बरु युकेको लाहुरे सँग बिहे गरिस् भने बुढो मरे पनि जिन्दगी भारी पेन्सन खाएर बस्न पाइन्छ। युकेको लाहुरेहरु हङकङको केटाहरु जस्तो माल खाने त्यापेहरु जस्तो हुदैनन्। हङकङको त्यापेहरु सँग बिहे गर्‍यो भने जिन्दगी भर उनीहरुलाई पालेर बस्नु पर्छ। अस्ति भर्खरै चुनवानमा बस्ने अङ्कलको छोरीलाई हङकङकै एक जना केटा माग्न गएको थियो रे। हङकङको केटाहरु त माल खाने त्यापेहरु मात्र हुन्छन् भनेर अङ्कलले आफ्नो छोरीको मगनी रिजेक्ट गरेको थियो" भन्दै आफ्नी छोरीलाई भन्ने गरेको समाचार मौसमी समाचारलाई प्राप्त भएको थियो। कतै तपाईंहरु पनि युकेको लाहुरे ज्वाँई खोज्ने तरखरमा त हुनुहुन्न ?   

 

 

लाहुरेको जीवनीमा आधारित चलचित्रको सम्पूर्ण काम करिव २ महिनामा सकिने

 

 

 

गायकबाट पहिलो पटक नायक बनेका प्रशान्त तामाङ्गले दार्जिलिङ्गकै झल्को दिने ठांउ नेपालको पाल्पामा आएर विहे गरेका छन्। ईन्डियन आईडल प्रशान्त तामाङ्गको विहेको निम्तो पाएका र विहे हुने कुरा थाहा पाएका पाल्पालीहरु र छिमेकी जिल्लाका मानिसहरु पाल्पाको नमुना गाउं मदनपोखरामा रहेको प्रशान्तको वेहुलीको घरमा जम्मा भएका थिए। त्यहाँ विवाहको सम्पूर्ण तयारी झकिझकाउ थियो। ध्वजा पताकाले सजिएको विवाह मण्डपमा पन्चेबाजा घन्किरहेको थियो भने विहेको जन्ति पनि लस्करै देखिन्थे। विवाहको मण्डपमा प्रशान्तका मामा बनेका सुनिल थापा पनि हंसिलो मुहरामा देखिन्थे। यी र यस्तै विवाहका सम्पूर्ण विधिहरु पूरा गर्ने काम भैरहेको थियो लाहुरेको जीवनीमा आधारित चलचित्र "गोर्खा पल्टन" को लागि। यो चलचित्र अबको करीव २ महिना भित्रै प्रर्दशनको लागि तयार हुने निर्देशक नारायण रायमाझीले बताएका छन्। 

 

 

बागवीर पाइजा ब्रिटिस गोर्खामा भर्ती हुँदा गाउँमा शिक्षाको उज्यालो थिएन। ढुंगाको गारो लाएर बनाइएका विद्यालय त थिए, तर तिनमा खासै विद्यार्थी आउँथेनन्। म्याग्दीको शिख गाउँमा लाहुर जानुलाई सानको विषय ठानिन्थ्यो। चुरोट, बिँडीका प्याकेट र लडाइँका किस्सा बोकेर गाउँ फर्केका लाहुरे शिख देउरालीको चौतारोमा दिनभरि गफिन्थे र जोडी पाए त्यतै रोधी बसाउँथे। २०२५ सालतिरको ग्रामीण सामाजिक स्थिति हो यो।

 

'भर्ती भएपछि के काम गर्नुपर्छ पत्तो थिएन, गाउँ फर्किंदा सम्मान पाइन्छ भन्नेचाहिँ थाहा थियो,' उनले ४२ वर्षपछि लाहुर जानुको अर्को कारण सम्झिए, 'राम्री केटी पनि लाहुरेले नै पाउँथे त्यो बेला।'

सैन्य सेवाबाट अवकास पाएपछि बागवीरको जीवनमा दुइटा छनौट थिए - बेलायतमै बस्ने वा नेपाल फर्कने। 'मैले दोस्रो बाटो रोजेँ र लन्डन-काठमाडौंको टिकट काटेँ।' भइदिएछ के भने गाउँमै बस्ने गरी फर्किएको भन्दा पनि गाउँलेले नपत्याउने। 'मेरो अनुभवको एउटै सत्य छ, त्यहाँ मान्छे साँचो अर्थमा मान्छे हुन सक्दैन। यो गाउँचाहिँ आफ्नू होजस्तो लाग्छ,' उनले भने।

'के हुन्छ त?'

'तपाईंको मूल्य मेसिनभन्दा बढी हुँदैन।'

'अनि?'

'म आफ्नो बाटोमा स्पष्ट थिएँ, गाउँ फर्किनुका कारण थिए। हिमालमुन्तिरको गाउँ हेर्दैमा यति आनन्दको छ,' उनी यसो भन्दा शिख देउरालीबाट पश्चिम-उत्तरको धवलागिरी चुचुरोतर्फ आँखा सोझ्याउँदै फकल्यान्ड युद्ध सम्झिरहेका थिए।